Ipusnas: Papan Maca Digital
Ipusnas: Papan Maca Digital Jinis: Artikel Deskripsi Dening: Nurul Huda (X MIPA 1–23) Wiwit pageblug Covid-19 sing mlebu menyang Indonesia ing taun 2020, pangguna aplikasi maca online kayata Ipusnas saya tambah akeh. Prekara iki amarga akeh wong sing butuh maca nalika ing omah. Maca buku perlu dening masarakat kanggo nambah ilmu kawruh, wawasan, makarya utawa kabutuhan sekolah, lan kanggo hiburan. Nanging, kanthi pageblug iki, akeh perpustakaan lan toko buku sing tutup utawa mung winates kanggo mbukak. Asile, masarakat kudu golek cara supaya bisa maca buku sanajan ora ninggalake omah. Sawiji cara yaiku kanthi maca ing Ipusnas. Aplikasi Ipusnas minangka aplikasi perpustakaan digital adhedhasar media sosial sing bisa diakses liwat macem-macem piranti kayata gadget, tablet, laptop, lan komputer. Aplikasi iki duweke Badan Perpustakaan Nasional kanthi kolaborasi karo Aksaramaya minangka pangembang aplikasi. Aplikasi iki nyedhiyakake atusan ewu e-book fiksi lan non fiksi sing bisa disilih...
